HIRU URTEKOEN IKASTURTE AMAIERAKO TXANGOA
Bagilaren 13an, hiru urteko umeak Bizkaia Zubira joan ginan. Ikastolan autobusa hartu eta Areetara heldu ginan. Bertan, itsasadarra gurutzatu eta Portugaletera iritsi ginan. Erreka ertzetik ibilalditxoa egin eta gero, ederto etorri jakun hamaiketakoa. Indarbarrituta, prest gengozan Urdulizko Parkera joateko baina horretarako atzera gurutzatu behar genduan Bizkaia Zubia, autobusa Areetan genduan zain eta. Urduliza heldu ginanean, bokatak jan eta jolastu egin genduan. Zein ondo ibili ginan! Egun ederra, gero!