2023/2024 IKASTURTEA

Une honetan, LH 5. mailan, “Bizi barri baten bila” proiektuan murgilduta gagoz. Egun dogun helburua, munduan dagoan migrazioaren mugimenduak eta arrazoiak aztertzea eta honen barri jaso zein ikastea da. Azken baten, etorkinen arazo, sentimendu eta beldurrak zein diran jakinda, pertsona horreekiko begirada aldatuko dogulakoan gagoz eta. Horregaitik, aurreko eguenean, El Salvadorren irakasle dan Gladys etorri jakun bere esperientziaren barri emotera, Euskal Herrira zelan heldu zan eta bertan bizi izan dauanaren barri emon euskun. Gladysi esker “etorkin” hitzari aurpegia ipini ahal izan geuntsan.